Deputetja Marjana Koçeku, e cila mbrëmjen e djeshme ishte e ftuar në Euronews Albania, komentoi edhe incidentet e ndodhura gjatë protestës para Parlamentit javën e kaluar, ku disa deputetë u qëlluan me vezë nga protestuesit.
Ditën e sotme, Koçeku ka shpërndarë në rrjetet sociale deklaratën e bërë një natë më parë në emisionin “Now”, ku shkruan se nuk përbën dhunë nëse një kostum bëhet pak pis.
“Nuk asht dhunë pse të bahet pak pis kostumi…”, shprehet Koçeku.
Gjatë intervistës së djeshme deputetja u shprehur se do të ndihej e nderuar nëse protestuesit do ta qëllonin me vezë. Ajo tha se qytetarët nuk do të qëllonin atë si individ, por institucionin e deputetes, ndërsa theksoi se, nëse ka qytetarë të pakënaqur me punën e saj, i fton ta shprehin pakënaqësinë edhe në këtë mënyrë.
“Unë, si deputete, do të isha shumë e nderuar nëse do të më gjuanin me vezë. Nuk do të më gjuanin mua personalisht, por institucionin, deputeti është institucion dhe Parlamenti u përket qytetarëve dhe nuk na përket neve që jemi me kohë të kufizuar.
Besoj se kjo është një shprehje e lirisë së tyre për të shprehur padakordësidë ndaj secilit deputet. Madje, i ftoj që, nëse do të jenë të pakënaqur me punën time, të më gjuajnë me vezë.
Veza është simbol i protestës dhe nuk është aspak dhunë dhe aspak dhunë nëse bëhet pak pis kostumi”, u shpreh Koçeku gjatë intervistës mbrëmë për “Noë” në Euroneës Albania.
