Ish-mesfushori i Vllaznisë, Lorik Boshnjaku, do të vijojë karrierën te skuadra e Gjilanit, në elitën e futbollit kosovar.
29-vjeçari së fundmi ishte pjesë e Suharekës, por pas rënies nga kategoria, vendosi të ndryshojë skuadër duke arritur akordin me klubin nga Anamorava.
Boshnjaku shënoi vetëm një gol dhe bëri një asist në Superligë me fanellën e klubit të Suharekës.
Për sa i përket aventurës në futbollin shqiptar me fanellën e Vllaznisë, mesfushori u aktivizua 33 ndeshje ne kampionat, duke regjistruar 2 gola dhe 3 asiste, 5 ndeshje në Kupë, ku shënoi 1 gol, 2 në kualifikueset e Ligës së Konferencës, dhe 2 në sfidat e Final 4.
