Ish-zv.ministri i Arsimit dhe pedagogu Oltion Rrumbullaku thotë se Gjirokastra do të jetë në krye të listave të revistave kryesore turistike në botë. Ai ka bërë një shënim në faqen e tij në Facebook teksa vizitoi së fundi Gjirokastrën.
Reagimi
Isha për pushime në Greqi dhe në kthim bëra një ndalesë në Gjirokastër. Gjirokastra ishte në kulmin e turizmit individual me të rinj dhe familje nga gjithë Europa. Hotelet dhe bujtinat në Booking kishin rezultate maksimale, shumica absolute në nivelet 9.1-9.9, dhe me cmime të krahasueshme me bregdetin. Vlerësimet e turistëve për mikpritjen e bujtinave janë në nivelin e legjendave për mikpritjen shqiptare. Bujtina e Tatianes vazhdonte me rating 9.9++ Zona e Qafës së Pazarit është më e bukur se çdo lagje old town në Greqinë Perëndimore, përveç Corfu Town dhe ndoshta Fiscardo në Qefaloni. Besoj, po sidomos shpresoj, që punë muajsh Gjirokastra do jetë e salduar në listat e revistave kryesore turistike në botë.
