Evidentohet një rast tjetër në Gjirokastër si i dyshuar me koronavirus. Burime të Argjirolajm.net mësojnë se policia kufitare në Kakavijë ka ndaluar dy shtetas shqiptarë, të cilin u futën legalisht në territorin tonë, por njëri prej tyre kishte shfaqur shenja të Covid-19, si temperaturë dhe kollë. Shtetasit e ndaluar janë R.S dhe A.S, banues në fshatin Skrevan të Beratit. Pas kryerjes së procedurave nga policia, këtyre shtetasve iu është marrë të dyve mostra për kryerjen e analizës që do të provojnë nëse janë të prekur me koronavirus apo jo edhe pse autoritetet e shëndetit publik dyshojnë për njërin prej tyre. Momentalisht këtë dy shtetas janë vendosur në karantinë derisa të dalin analizat. Qarku Gjirokastër dhe Dibër janë të vetmit që deri më tani s’kanë raste të prekur me koronavirus.
©argjiroja.net
