Është publikuar një renditje e re e vendeve europiane më të sigurta dhe më të rrezikshme për shoferët, bazuar në shkallën e vdekshmërisë në aksidentet rrugore për vitin 2026.
Serbia kryeson listën e vendeve më vdekjeprurëse për drejtimin e automjeteve në Evropë, duke regjistruar 74 vdekje në aksidente rrugore për çdo milion banorë, një shifër që është rreth 72% mbi mesataren e Bashkimit Europian, sipas studimit të Vignette Switzerland.
Ky është viti i dytë radhazi që Serbia renditet e para për numrin më të lartë të viktimave në rrugë, megjithëse shifrat e fundit janë pak më të ulëta se ato të vitit të kaluar.
Pas saj renditet Bullgaria, me 71 vdekje për milion banorë, dhe Rumania, me 68 vdekje për milion banorë, duke e vendosur Evropën Lindore në krye të listës së vendeve më të rrezikshme për drejtuesit e automjeteve.
Përveç këtyre, edhe disa destinacione të njohura turistike si Portugalia, Greqia, Italia dhe Franca janë renditur ndër 10 vendet më vdekjeprurëse për drejtimin e makinës në Europë,
Nga ana tjetër, vendet nordike si Norvegjia dhe Suedia mbeten më të sigurta, me vetëm 19 vdekje për milion banorë, duke i bërë gati katër herë më të sigurta se Serbia.
Në aspektin e përmirësimit, Lituania ka shënuar një ulje të ndjeshme prej 43% të vdekjeve në aksidente rrugore gjatë dekadës së fundit.
Përparim afatgjatë kanë treguar edhe Letonia (37%), Bullgaria (36%), Greqia (35%) dhe Hungaria (30%). Megjithatë, progresi ka ngecur në disa vende turistike si Portugalia, ku vdekjet kanë rënë vetëm me 1% që nga viti 2015, dhe Franca, me një ulje modeste prej 6%.
Ja cilat janë 10 vendet më të rrezikshme në Europë
Ekspertët këshillojnë që udhëtarët të jenë të kujdesshëm, të kontrollojnë rregullat lokale dhe të planifikojnë me kujdes rrugët e tyre, pasi standardet e sigurisë ndryshojnë ndjeshëm nga një vend në tjetrin.
Mund të shohim më tej situatën në Serbi, aksidentet në Bullgari, rrezikun në Rumani apo përmirësimin në Lituani.
