‘Jam me Covid’/ Tirja kërkon të dalë nga burgu

Sanitarja e spitalit Covid-2 Tire Alldervishi, në datën 15 janar ka dorëzuar ankim në Apel për vendimin e Gjykatës që e la në burg pa afat. 59-vjeçarja kërkon zbutje të masës së sigurisë, me të njëjtat argumente si në Shkallën e Parë. Sipas mbrojtjes ajo është e infektuar me ‘Covid 19’ dhe kjo i ka lënë lodhje dhe pasoja në shëndet. Konsideron provat në media si të paligjshme dhe pretendon se në bazë të disa provave të reja, do lehtësohet situata penale e Tire Alldervishit. Kjo e fundit akuzohet se përvetësoi 8 milionë lekë të vjetra duke mashtruar vajzën e një paciente. Prej ditësh Prokuroria po verifikon edhe stafin e spitalit ‘Shefqet Ndroqi’ me dyshimin se mund të kenë bashkëpunuar me Alldervishin në zhvatjen e parave.