Nga Anila Dhimitri
Të nderuar miq, bashkëqytetarë dhe shokë të familjes sonë të madhe socialiste. Përfshirja e emrit tim në listën e kandidatëve për deputet të Partisë Socialiste për Qarkun e Gjirokastrës, është një nder dhe privilegj i jashtëzakonshëm për mua që të përfaqësoj Përmetin dhe Këlcyrën në legjislaturën e ardhshme në parlament.
Jam thëllësisht mirënjohëse ndaj Kryetarit Edi Rama, Drejtueses Politike Mirela Kumbaro dhe gjithë strukturavë të PS në Përmet, për këtë mundësi dhe besim tek unë, që vjen si rezultat i angazhimit tim në administratën publike dhe Këshillin Bashkiak, me përkushtim dhe korrektësi në gjithë këto vite për Përmetin dhe përmetarët.
Transformimi rrënjësor i Përmetit, Qarkut Gjirokastër dhe gjithë Shqipërisë falë punës dhe vizionit të Kryeministrit dhe Partisë Socialiste në qeverisje, janë garancia për të vazhduar me punët dhe projektet e mira edhe pas 11 majit, duke mos e ndalur punën në asnjë çast dhe aq më pak të kthehemi pas kur Përmeti ishte një qytet jashtë vëmendjes së qeverive.
Ju falenderoj gjithë ju miq dhe bashkëqytetarë përmetarë, nga Çarshova në Ballaban dhe nga Frashëri deri në Dëshnicë, për çdo urim dhe mbështetje në këtë garë që nuk do të jetë thjesht dhe vetëm e imja, por do jetë për të gjithë ne që të përfaqësojme vlerat, kulturën dhe zërin e rrethit tonë në Kuvendin e Republikës së Shqipërisë.
Faleminderit me ❤️
E Juaja, Anila
