Është arrestuar sot 33-vjeçari shqiptar i akuzuar si kreu i një bande, i cili muajt e fundit ka kryer vjedhje të shumta në të gjithë Toskanën të Italisë, kryesisht në provincat e Firences, Pizës dhe Pistoias.
Gjyqtari hetues i Gjykatës së Pratos ka vërtetuar arrestimin nga policia gjyqësore të shqiptarit me banim në provincën e Pistoias.
Mediet italiane gjithashtu njoftojnë se 33-vjeçari i arrestuar kryente vjedhjet bashkë me një shqiptar tjetër 39-vjeçar, me banim në Prato, i cili është akuzohet për veprën penale të marrjes së sendeve të vjedhura.
Po ashtu në pranga kanë rënë më herët edhe dhe disa shqiptarë të tjerë, të cilët dyshohet se i përkasin të njëjtit grup kriminal.
Autoritetet italiane kanë zbuluar të paktën 12 grabitje ku janë përfshirë shqiptarët.
Ata grabitnin kryesisht vila dhe banesa ku qëndronin të moshuarit, duke herë nga dritaret ose, ode duke bërë një vrimë të vogël pranë bravës së derës për ta çmontuar.
Objektivi i hajdutëve shqiptarë ishin veçanërisht paratë dhe bizhuteritë me vlerë të madhe.