Policia franceze ka arrestuar kryebashkiakes e qytetit Avallon, të cilit iu gjetën në shtëpi 70 kg kanabis. Lajmin e bën të ditur AFP dhe BFM TV, duke cituar burime pranë agjencive të zbatimit të ligjit.
Jamilah Habsaoui ka mbajtur detyrën e kryetares së bashkisë së Avallon, një qytet me rreth 6 000 banorë afërsisht 250 km në juglindje të Parisit në rajonin Bourgogne-Franche-Comte, që nga viti 2021. Ajo është njëkohësisht edhe këshilltare rajonale.
Kontrollet në shtëpinë e saj u kryen në kuadër të një hetimi paraprak për trafik droge.
Shtatë persona u arrestuan në operacionin e policisë, mes të cilëve edhe dy nga vëllezërit e Habsaoui. Në disa prej lokacioneve ku janë ushtruar kontrolle u sekuestruan 983 gramë kokainë, 7 000 euro kesh dhe rreth 20 shufra ari.
Kontrollet janë pjesë e një fushate më të gjerë kundër narkotikëve të quajtur “Place nette XXL” që nisi në fillim të këtij viti.
