“Kukuvajka”, i ka etiketuar ministrja e Kulturës, Mirela Kumbaro, ata që u përpoqën të zhvlerësonin restaurimin e Pazarit Historik të Gjirokastrës. Ndonëse nuk përmendi emra konkretë, me siguri që ajo i referohet PD-së dhe deputetit të saj Tritan Shehu, që pas ceremonisë së inagurimit flisnin për braktisje të kryeministrit nga njerëzit, a thua se në fakt ishte miting dhe jo thjesht ceremoni inagurimi. Po kështu i mëshohej idesë që investimi nuk ishte kryer nga qeveria, por nga Fondi Shqiptaro-Amerikan i Zhvillimit.
“Shikoni sa bukur eshte! Dje inaguruam Pazarin e Gjirokastres, ku tashme ka ndryshuar gjithcka nga tabloja e rrenimit qe gjetem, per te ruajtur shumecka nga shkelqimi i historise dhe jetes se njerezve qe e kane mbajtur ne shekuj. Eshte vetem fillimi i nje ritmi te ri qe ka nisur ne Gjirokaster dhe qe s’ka zot ta ndale! Aq me pak mund ta ndalin kukuvajkat…Takohemi shume shpejt serish ne Gjirokaster me pjesen tjeter te projektit te restaurimit me Banken Boterore”, shkruan Kumbaro në Facebook.
© ArgjiroLajm.net
