Kultivuan kanabis, arrestohen babë e bir në Tepelenë

Babë dhe bir janë arrestuar në Tepelenë, pasi kanë kultivuar 194 bimë narkotike kanabis pranë banesës së tyre në fshatin Mezhgoran. Bimët narkotike u gjetën pas kontrolleve me dron në territor. Në pranga janë vënë Mitat dhe Ermal Cani, 64 dhe 35 vjeç. Policia ka sekuestruar në cilësinë e provës materiale, një pjesë të vogël e bimëve narkotike, ndërsa pjesa tjetër asgjësohet nëpërmjet djegies.