Ish-deputeti i LSI-së, Vangjel Tavo bën çmos të afrojë sa më shumë njerëz te LSI-ja, me shpresën se kështu do të arrijë të marrë aq vota sa të dalë sërish deputet në zgjedhjete 25 prillit. Ndërsa dy javë më parë iu largua Ediola Braha, sot ai njoftoi ardhjen te LSI-ja të Gramoz Brahos, i cili vjen nga radhët e komunitetit egjyptian në Gjirokastër. Ja çfarë shkruan Tavo në një postim në faqen e tij në Facebook.
Me z. Gramoz Braho, opozitarin dhe publicistin e njohur gjirokastrit i cili i bashkohet LSI familjes sonë politike. Fjala përshëndetëse e z. Braho:
I nderuar Deputet, familja e madhe e Lëvizjes Socialiste për Integrim, Pas prezantimit, vlerësimit dhe besimit nga ana e deputetit, z. Vangjel Tavo për figurës time, ndihem sinqerisht i motivuar, të jem pjesë e kësaj skuadre. Të jem pjesë e familjes është një sfidë për mua por, sfida jonë më e madhe mbetet largimi i pushtetit skllavërues të “Rilindjes” për Shqipërinë dhe sidomos për qarkun e Gjirokastrës. Gjirokastra boshatiset çdo ditë dhe më shumë nga të rinjtë të cilët kanë marrë rrugët e kurbetit, shikojmë se jetesa e qytetarëve po bëhet çdo ditë dhe më e vështirë deri në kufijtë e mbijetesës, kur shikon institucionet të largohen me qëllim nga Qarku ynë, atëherë, si qytetar, si politikan dhe si taksapagues më duhet të reagoj. Mjaft më, koha e tyre, mbaroi! Jam këtu për të bashkuar forcat për ti rikthyer Gjirokastrës identitetin dhe shpresën si dhe frymëmarrjen qytetarëve të Gjirokastrës. I jam bashkuar Lëvizjes Socialiste për Integrim sepse unë besoj te deputeti i Gjirokastrës, unë besoj te z.Vangjel Tavo dhe jam i bindur se bashkarisht jo vetëm që në 25 prill do e fitojmë këtë betejë por do i kthejmë Gjirokastrës identitetin e vjedhur.