Personi në foto është Pandi Zhonga, drejtori i Urbanistikës në Sarandë, i arrestuar ditën e sotme për tjetërsimin e një trualli 10 mijë metra katror.
Argjirolajm.net mëson se pikërisht nga drejtori Zhonga kalonin të gjitha konfirmimet e dokumentacionit të trojeve te përfituara me vendim të Këshillit Bashkiak.
Kujtojmë se edhe para se të bëhej drejtor i Urbanistikës, Pandi Zhonga ka mbajtur poste të larta, pasi ka qenë drejtor i Parkut Kombëtar të Butrintit.
Bashkë me Zhongën është arrestuar edhe jurisjta e Agjencisë Shtetërore të Kadastrës, Rovena Alikaj si dhe Aleko Anagnostin, noter.
Ndalimi i tyre është bërë, pasi akuzohen se kanë tjetërsuar një pronë prej 10 mijë metra katrorë duke ua dhënë personave të ndryshëm që më pas kanë ndërtuar.
Mesohet se në pranga kanë rënë edhe personat që kanë përfituar nga ky tjetërsim pronash. Bëhet fjalë për Fredi Mërkurin, Valter Llomin dhe Argonida Canaj. Ata akuzohen për falsifikim dokumentesh, me të cilat kanë përfituar edhe tokën. Mësohet se toka për të cilën bëhet fjalë ndodhet në zonën e kanalit të Cukës në Ksamil.