Një tjetër pacientë i prekur me COVID-19 ka lënë sot spitalin e Invektivit. Ka qenë vetëm ministrja e Shëndetësisë, Ogerta Manastirliu e cila ka publikuar videon e pacientit ëe falenderon stafin mjekësor.
“Edhe një tjetër pacient ka dalë sot i shëruar nga spitali infektiv🙏🏼 Mirënjohëse deri në përunjësi për punën dhe sakrificën e pashoqe të prof. Najada Çomos dhe të gjithë ekipit të mjekëve, infermierëve, imazheristëve, sanitareve që po luftojnë me armikun e padukshëm #COVID-19 në shërbim të pacientëve🙏🏼#KrenarePërMjekët”, shkruan Manastirliu. I riu shprehet se mjekët kanë bërë një punë madhështore me të dhe e kanë ndihmuar shumë dhe tani ai është shëruar plotësisht.
Ndërkohë, në Shqipëri janë 186 të infektuar me Covid-19, mes tyre 4 fëmijë, ndërsa numri i viktimave ka shkuar në 10. 31 nga të prekurit janë shëruar, por harta e infektimit është zgjeruar. Puka i bashkohet listës me 2 të infektuar, ndërsa epiqendra është në Tiranë me 107 të infektuar. 12 mjekë dhe infermierë janë prekur, ndërkohë që Spitali Infektiv, COVID1 po mbush kapacitetet me 77 shtretër. Autoritetet kanë vetëm një thirrje për qytetarët: Qëndroni brenda!