Avokati dhe aktivisti Adriatik Lapaj, i cili ka qenë ndër të parët që bëri thirrje për protesta pas rritjes katastrofike të cmimit të naftës, ka bërë një reagim në faqen e tij në Facebook pas sulmeve në adresë të tij në disa media. Lapaj thotë se “modeli i baltës” pengon qytetarët e zakonshëm që të protestojnë apo angazhohen për t’i bërë gjërat më mirë.
“E keni vënë re që sa herë ngrihemi e reagojmë fortë lukuni ligësie e vreri nis të derdhet nga drejtime të ndryshme? Më keni parë të përgojoj njeri? Më keni parë të hedh baltë mbi njeri? Më keni parë qoftë dhe 1 herë të vetme të merrem me familjen e dikujt? A më keni parë ndonjëherë të sulmoj qoftë dhe një njeri që proteston diku? A keni dëgjuar nga unë të flas për dikë tej ligjit? E vetmja gjë që më vjen keq është se modeli baltës tremb të tjerët të angazhohen. I step të luftojnë. I bën të ikin nga sytë këmbët nga ky vend. Kjo po që më trishton dhe fatkeqësisht kjo të keqes i funksionon…Mos i lejoni! Unë në 17.00 do jem përballë Kryeministrisë”, shkruan Lapaj.