Sezoni turistik ka nisur më herët në Shqipëri. Disa turistë të huaj të cilët kanë ardhur në Gjirokastër këtë fundjavë dhanë një mesazh banorëve të zonave turistike, por edhe shoqërisë shqiptare në përgjithësi.
Ata të mahnitur nga qyteti i ngurtë, hasën edhe probleme, ndaj u angazhuan në një aksion pastrimi.
Turistët kërkuan që banorët vendas duhet ta mbajnë natyrën të pastër, ashtu si edhe shtëpitë e tyre, pasi pretenduar se Gjirokastra është një “thesar tursitik”.
“Shtëpitë tuaja janë të pastra dhe rregullta, përse jashtë është kështu miq, ju lutem më thoni?, ishin disa nga pyetjet e shumë turistë të huaj, që zbulojnë bukuritë e natyrës së vendit tonë, por gjejnë edhe zona të mbuluara në plehrat.
Një shtetase amerikane që prej pak kohësh jeton në Gjirokastër ka kuptuar se kultura shqiptare për mbrojtjen e mjedisit dhe zonave turistike ende nuk është në nivelin e duhur.
“Unë jetoj këtu. Ndjehem mirë për të gjithë progresin që ka bërë Gjirokastra dhe Shqipëria. Keni natyrën dhe ushqimin dhe njerëzit më të mirë. E vemja gjë që mungon është kultura e mbrojtjes së mjedisit.”
Grupi i turistëve, i ardhur së fundmi në Gjirokastër, mbeti i mahnitur nga natyra dhe qyteti, dhe siç thonë ata “dhurata e natyrës dhe trashëgimia historike e këtij qyteti”, duhet të jetë në radhë të parë krenaria e banorëve vendas.
Një grup të rinjsh turistësh u angazhuan për të pastruar rrugën që të çon tek Ura e Ali Pashë Tepelenës.”Unë jam nga Tajvani. Jam në Shqipëri për tre ditë! Ndaj dua tu them shqiptarëve se ju jeni të bukur, por po kaq të bukur duhet të mbani natyrën.”
Edhe në zona të tjera turistike, turistët e huaj kanë dhënë mesazhe të ngjashme.
Por kur turistët të largohen do tu mbetet sërish turistëve të Gjirokastrës për të treguar nëse e kanë kuptuar mesazhin.
