Një ditë më parë ArgjiroLajm.net denoncoi atë çfarë ndodhte me ujërat e zeza të një pallati në lagjen ‘Kodra e Shtufit’, ku fekalet derdheshin në natyrë dhe më pas vërshonin pranë pallatit tjetër. Mirëpo ky nuk ishte rasti i vetëm dhe me siguri as i fundit. Fotot më poshtë tregojnë atë çfarë po ndodh me ujërat e zeza në një tjetër pallat në lagjen ’18 Shtatori’, pranë degës së Tirana Bank. Edhe këtu fekalet derdhën në rrugë. Era e rëndë dhe infeksionet rrezikojnë shëndetin e banorëve. Këta të fundit edhe pse janë ankuar, deri më tani askush nga Bashkia Gjirokastër nuk është kujdesur për zgjidhjen e problemit të tyre.
©ArgjiroLajm.net
