Fushata elektorale në Shqipëri nuk ka kaluar pa zakonin tradicional që ndodh në realitetin tonë, shpërndarje celularësh, lekë, sende apo ushqime të ndryshme në këmbim të votës. Raste të tilla janë evidentuar në masë muajin e fundit, por me sa duket kjo gjë është e mirë-organizuar dhe çdo votë e premtuar apo e blerë dihet saktësisht se ku është dhe s’mund të humbasë. Nëse ndonjë votë “rrjedh” nga ato që ishte parashikuar, atëherë duhet të kthesh mbrapsht sendet që partia të ka “dhuruar” në fushatë dhe këtë me sa duket po e bën LSI.
Një mesazh i dërguar në redaksinë e JOQ trego se në Vorë ka filluar larja e hesapeve dhe LSI po mbledh mallin e shpërndarë, sepse votat e blera i kanë firuar.
Janë mbledhur anëtarët e LSI me njëri-tjetrin para Bashkisë Vorë dhe kanë debatuar pasi është propozu që të kthehen lekët dhe materialet pas humbjes së LSI”, rrëfeu qytetari.
LSI doli forcë e tretë nga këto zgjedhje, ku shënoi një rritje me 3 mandate në rang vendor.
