Një tjetër episod tensioni ka përfshirë skenën politike shqiptare, teksa analisti Arjan Konomi ka publikuar një video në rrjetin social Instagram, duke iu drejtuar drejtpërdrejt Zeqir Kordhonit, deputetit aktual dhe njëkohësisht daja i Endri Shabanit, kryetari i “Lëvizja Thurrje” pjese e koalicionit me “Shqipëria Bëhet” të Adriatik Lapajt.
Në videon e publikuar, Konomi i bën thirrje Kordhonit që të heqë dorë nga mandati i deputetit, ndërsa përmend edhe emrat e fëmijëve të tij.
Zhvillimet vijnë në një klimë të acaruar politike, pas përplasjeve të fundit midis Endri Shabanit dhe kryetarit të Lëvizjes “Shqipëria Bëhet”, Adriatik Lapaj. Debati i hapur mes dy figurave ka pasur jehonë të gjerë në media, ndërsa situata duket se ka reflektuar edhe në marrëdhëniet me aleatët dhe të afërmit e tyre politikë.
