Sulmuesi i PSG-së, Kylian Mbappe, ka treguar pse vendosi të rinovojë kontratën me klubin francez. Marrëveshja e re e futbollistit francez llogaritet deri në vitin 2025.
Sulmuesi 23-vjeçar beson se me PSG-në do të ketë mundësinë të fitojë trofe dhe të vendosë rekorde historike.
“Klubi po planifikon të fillojë një epokë të re dhe historia ime nuk ka përfunduar ende këtu. Gjithmonë kam thënë se doja të isha më i miri dhe tani nuk duhej të isha larguar. Besoj se historia ime në PSG mund të jetë edhe më e bukur”, citon Telefoot Mbappe.
Kujtojmë se Real Madridi ishte aktivisht i interesuar për lojtarin, por Mbappe vendosi të refuzojë “klubin mbretëror”, duke zgjatur marrëveshjen me parisienët.
