Presidenti Ilir Meta duket se ka harruar plotësisht pandeminë e koronavirusit dhe ka nisur të praktikojë pasionin e tij. Sot ai ka ndarë pamje nga vizita në piramidën e 17-të, në Shelegur të Kolonjës, pikë e cila ndan kufirin mes Greqisë dhe Shqipëri.
Meta ka ndarë foto dhe video nga vizita në Shelegur, duke shtuar me shaka se nuk po tenton që të arratiset.
“Përshëndetje, piramida e 17 e Republikës së Shqipërisë, por pa arratisje,”-shprehet Meta në video.
Edhe dje, kreu i shtetit ishte po në këtë zonë ku edhe postoi foto nga një varkë. Mesa duket teksa të gjithë shqiptarët janë izoluar në vend prej koronavirusit, Meta po shijon natyrën.
