Tekniku i Milan, Max Allegri doli në konferencë para ndeshjes ndaj Veronës.
“Me siguri Leaos i shërbyen pak fërshëllimat, kuptoi që në jetë gjërat jo gjithmonë shkojnë në mënyrën më të mirë të mundshme-tha Allegri-do të reagojë; këtë javë është stërvitur mirë si të gjithë. Jam i bindur se sulmuesit do të kthehen të shënojnë.
Skuadra duhet të zhvillojë ndeshjet me rregull. Ndaj Udineses nuk u pozicionuam në mbrojtje as edhe një minutë, ishim shumë rrëmujë.
Ajo nesër, është një ndeshje e rëndësishme sepse duhet të kthehemi te fitorja, kundër një skuadre që luan me kundërsulme. Duhet të luajmë si skuadër-tha Allegri-në harkun e një sezoni ka ndonjë moment të vështirë, duhet përballuar me qetësi dhe duke i bërë gjërat me rregull; ndaj Udineses ishim të çrregullt. Duhen edhe 6 ndeshje dhe nesër është një ndeshje e rëndësishme për objektivin që duhet të arrijmë. Duhet të luajmë futboll me qetësi, kompaktësi dhe rregull”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
