Kryeministrja e Zelandës së Re, Jacinda Ardern ka zbuluar dje kabinetin e saj, ku në të bën pjesë edhe një ministre me një tatuazh Maori në fytyrë. Nanaia Mahuta ka në mjekër një moko kauae, tatuazh tradicional femëror, që e ka bërë në vitin 2016. Deputetja në atë kohë shpjegoi se e bëri këtë tatuazh për të nderuar paraardhësit e saj dhe për të hequr paragjykimet mbi kulturën Maori, të cilën shumë zelandezë e lidhin me krimin dhe bandat. Ardern fitoi zgjedhjet për të marrë një mandat të dytë, duke theksuar se prioritetet e saj do të jenë përgjigjja ndaj Covid-19 dhe rijetësimi i ekonomisë. Por, zgjedhja e Nanaia Mahuta si ministre e Jashtme, u kthye në kryelajmin e mediave botërore. Ajo konsiderohet si ministrja e Jashtme më e pazakontë në botë.
