Kombëtarja shqiptare e futbollit do të luajë në muajin qershor dy ndeshje miqësore, të cilat do të jenë hapi i parë i përgatitjeve për pjesëmarrjen në Ligën e Kombeve që nis në shtator, teksa pritet që ato të luhen në Tiranë.
Në bashkëbisedimin e sotëm me mediat, presidenti i FSHF-së, Armand Duka, ka zbuluar se emrat që do të luajnë ndaj Shqipërisë janë skuadra të cilat nuk kanë arritur të sigurojnë biletën në Botëror, duke përmendur një që është shumë pranë akordit, si dhe dy të tjera me të cilat po bëhet bisedime për datën tjetër.
“Miqësoret e qershorit? E para është me Luksemburgun në Tiranë, por nuk e kemi firmosur ende marrëveshjen me të. Pastaj jemi në diskutime me shumë ekipe për ndeshjen tjetër po në Tiranë. Mund të jetë Kili, Danimarka dhe ndonjë skuadër tjetër.
Italia jo, as nuk kemi biseduar me Italinë. Këto janë ata që po diskutojmë. Nuk kemi biseduar për një miqësore me Kosovën”, shpjegoi Duka.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
