Komisionet Parlamentare kanë miratuar ditën e sotme marrëveshjen mes Shqipërisë dhe Covax, për sigurimin e vaksinës anti-koronavirusit. Mësohet se sipas marrëveshjes, shteti do të parapaguajë rreth 4 milionë dollarë.
Vaksina efektive ende nuk ka dalë, por kur ajo të certifikohet Shqipëria do të sigurojë një sasi vaksinash të para prej 1 milion e 140 mijë dozash. Siç është bërë edhe më herët me dije, të parët që do vaksinohen janë grupet e riskut dhe ata më vulnerabël si të moshuarit, të sëmurët kronikë, mjekët, dhe ata me sëmundje bashkëshoqëruese.
Albana Fico, e cila është drejtoresha e Institutit të Shëndetit Publik, tha se vaksinën do e bëjnë edhe ata persona të cilët e kanë kaluar koronavirusin.
Teorikisht nëse e ke kaluar Covid-in mund të japësh një përgjigje për ata që e kanë kaluar Covidin dhe nuk kanë anti-trupa. Shumica e njerëzve, ne duke qenë se ky është një detaj që nuk e kemi në evidencë, kanë një imunitet që në studimet e fundit shkon deri në 5 muaj. Nuk ka lidhje nëse ke kaluar Covid-in, duhet të vaksinohesh apo jo. Kjo nuk përdoret si evidencë”.
Në total, qeveria sipas mediave ka planifkuar një shumë prej 12 milionë dollarësh për të siguruar vaksinën për popullin shqiptar.
Pjesë e Covax janë më shumë se 90 vende, mes tyre shumë vende anëtare të BE-së.