Pas miratimit të pesë planeve vendore (Berat, Fier, Elbasan, Kuçovë dhe Lushnjë) me financim nga donatorët e huaj, Këshilli Kombëtar i Territorit pritet të shprehet për të tjera projekte. Në mbledhjen e sotme do të miratohen 11 plane vendore (duke e çuar numrin e planeve të miratuara në 16) që do të financohen me paratë e buxhetit të shtetit nga 26 që janë në total.
Bashkisë përfituese janë: Korça, Kruja, Kurbini, Kukësi, Divjaka, Gjirokastra, Skrapari, Ura Vajgurore, Poliçani, Librazhdi dhe Cërriku. Ministria e Zhvillimit Urban e ka nisur punën për hartimin e këtyre planeve në janar të vitit 2016, pas mbylljes së procedurës së prokurimit ndërkombëtar ku pati aplikime si nga studio vendase, edhe të huaja.
Studiot që u përzgjodhën si fituese u ndanë në 10 lote (ku studio fituese e çdo loti punoi me 2 apo 3 bashki njëkohësisht), duke i asistuar dhe duke ndihmuar gjatë gjithë procesit stafet teknike të bashkive. Gjirokastra do të shërbejë si pol turistik për të gjithë rajonin, nxitur nga traditat e pasura dhe trashëgimimia e shumëllojshme kulturore dhe nga afërsia me zonat bregdetare turistike të zhvilluara.
