Monika Kryemadhi i është rikthyer akuzave ndaj kryeministrit Edi Rama pas kritikave të shumta nga simpatizantë të Partisë Demokratike të cilët e kanë konsideruar si “tradhëti” sjelljen e fundit me mazhorancën.
Kryemadhi shprehet se shefi i qeverisë do të ketë një fund të keq. Ajo thotë se vetëm 6% e shqiptarëve e mbështesin Ramën teksa komentoi sondazhet e fundit të bëra publike. Kryetarja e LSI-së shtoi më tej se sot 80% e shqiptarëve s’kanë bukë të hanë dhe se nuk është jeta ajo që shfaqet në rrjetet sociale.
Sipas saj, ai e ka shtyrë vendin drejt një lufte ekonomike.
“Na shikoni ne që bëjmë si pjeshka blloku kur postojmë në Instagram. Nuk është kjo jeta. S’kemi bukë të hamë. Shqiptarët do ta shqyejmë Ramën se ri në Instagram, Facebook e Tik Tok duke postuar. Kjo është luftë ekonomike”, thotë Kryemadhi në Ora News.
Më herët, ndaj Kryemadhit ka pasur kritika të shumta edhe pse nuk i shkoi në takim kryedemokratit Lulzim Basha, ku më vonë ajo reagoi duke u shprehur se arsyeja ishte se kishte larë dhe shpëlarë shtëpinë.
