Në kalanë e Gjirokastrës u organizua sot aktivitetin edukativ për trashëgiminë kulturore me titull “Mos u nxeh Gjirokastra”. Ky aktivitet synon sensiblizimin që brezit të ri të njohë trashëgiminë kulturore dhe vlerat historike të vendit tonë.
Ky aktivitet erdhi nga DRKK Gjirokastër dhe shkollën 9-vjeçare “Naim Frashëri”. Fëmijët morën njohuri të reja për qytetin, kulturën, historinë si dhe muzetë.
Ata gjithashtu dhanë dhe përshtypjet e tyre, Felisia 11 vjeç u shpreh se, “loja na pëlqeu se punuam së bashku, ne mësuam disa gjëra të reja mbi qytetin. Edhe pse në lojë ishte ndjenja e konkurrencës ne kaluam shumë mirë me njëri-tjetrin. Përveç argëtimit mësuam dhe gjëra që nuk i dinim. Shpresojmë që çdo ditë t’ia kalojmë si sot”.
“Kjo lojë nuk ishte vetëm argëtuese, por një lojë që na mësonte për traditat e qytetit tonë dhe karaktestikat e tij, mbi të gjitha mësuam rreth tiganit të qifqisë ku e kanë përdorur brezat e parë dhe vazhdon akoma të jetë një vlerë historike. Ne mësuam për kalanë isopolifoninë duke kënduar vetë”, u shpreh Kamela 11 vjeç.
Një tjetër nxënëse pjesëmarrëse në këtë aktivitet Ervina 11 vjeçe tha se, “loja ishte interesante kishte të papritura dhe surpriza, në disa pika ecje para në disa ktheheshe pas, mësuam më shumë për traditat e kulturën e Gjirokastrës”.