Pas suksesit në Çmimin e Madh të Tajlandës, Marko Bexeki u shfaq në qiellin e shtatë, ndërsa e komentoi kështu garën e së dielës në Briram.bexeki“Të shtunën në Sprint bëra një gabim të vogël që pati pasoja të mëdha dhe më dhembi shumë. Sot ishte e rëndësishme të reagoja. Ishim shumë mirë me përbërjen mesatare të gomave. Kisha një strategji të qartë në mendje. E dija se mund të shkëputesha nëse arrija të merrja menjëherë kryesimin dhe kështu ndodhi. Falënderoj gjithë skuadrën, familjen time dhe miqtë e mi.
Jam shumë, shumë i lumtur. Në fillim shtyva fort, por e dija në cilat pjesë të pistës mund ta bëja këtë dhe ku duhej të isha më i kujdesshëm për sa i përket konsumimit të gomave. U përpoqa mbi të gjitha të garoja pastër. Te Aprilia kanë bërë një punë shumë të mirë këtë dimër, duke sjellë shumë elemente të reja për t’i provuar në teste, ndoshta madje edhe pak si tepër, sepse pastaj ekziston rreziku të humbasësh drejtimin”, deklaroi piloti italian i Aprilias.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
