Një megaoperacion i Policisë së Shtetit ka shkatërruar një grup kriminal që kryenin vrasje me pagesë. Raportohet se në total janë arrestuar 15 persona në qytete të ndryshme dhe janë zbuluar 6 vrasje. Veç vrasjeve janë zbuluar edhe 5 raste të vënies së tritolit, plagosje dhe tentativa vrasjesh. Arrestimet janë kryer pas bashkëpunimit të një të arrestuari nga policia e Lushnjës i cili akuzohej për një grabitje në kryeqytet. Burime bëjnë me dije se mes të arrestuarve është edhe një grua e dyshuar si e përfshirë në ngjarje të rëndë kriminale. Operacioni është në vijim ndërsa pritet që policia të dalë me njoftim zyrtar për operacionin.