Në Gjirokastër ka ngritur siparin Festivali Teatror Mbarëshqiptar “Kadri Roshi”. Organizatorë të tij janë Teatri i qytetit “Zihni Sako” dhe Bashkia e Gjirokastrës. Gjatë tetë ditëve të festivalit në skenë do të ngjiten trupa nga Shqipëria, Kosova, por edhe Tetova e Presheva. Festivalin e përshëndeti aktori i njohur Birçe Hasko.
Juria e tij do të drejtohet nga Rajmonda Bulku, ndërsa anëtarë janë Mevlan Shanaj, Suela Konjari, Birçe Hasko dhe Petrit Ruka. Kryetari i Bashkisë së Gjirokastrës Flamur Golemi premtoi vazhdimësinë e aktivitetit edhe në të ardhmen.
Sot në natën e dytë do të shfaqet komedia “Kopraci” interpretuar nga aktorët e Teatrit “Andon Zako Çajupi” të Korçës. Protagonisti kryesor i saj do të jete aktori i njohur Koço Qëndro,93 vjeç.
