Qendra shëndetësore “Llukman Hasani” në Libohovë do të rikonstruktohet. Punimet kanë nisur një ditë më parë dhe pritet të përfundojnë brenda këtij viti. Në total investimi është rreth 100 milionë lekë të vjetra.
Qendra, e cila mbulon nevojat e të gjithë Bashkisë Libohovë përfshi edhe disa fshatra, do të ketë të gjithë infrastrukturën e nevojshme brenda dhe jashtë, si dhe pajisjet e reja të domosdoshme për shërbimet ndaj qytetarëve dhe kushtet e punës së personelit.
Njëkohësisht ka nisur të rikonstruktohet edhe qendra shëndetësore e fshatit Picar në Gjirokastër. Investimet po kryhen në kuadër të programit “300 Qendrave Shëndetësore”, prej të cilit në bashkitë Gjirokastër, Libohovë e Dropull deri më tani kanë përfituar 15 qendra shëndetësore. ©argjiroja.net