Nënkryetari i Komisionit Europian, Margaritis Schinas, në fjalimin e tij në Konferencën e 2-të të Mesdheut Lindor dhe Evropës Juglindore të organizuar nga Forumi Ekonomik Delphi në Bruksel, ka folur edhe për cështjen Beleri.
Ai nënvizoi se një nga mesazhet për vendet kandidate për tu anëtarësuar në bashkimin europian dhe veçanërisht ato të Ballkanit Perëndimor është “respektimi i plotë i demokracisë, të drejtave të njeriut dhe shtetit të së drejtës. Nuk do të ketë integrim pa respektimin e tyre, ka thënë në fjalën e tij Schinas.
“Respektimi i plotë i demokracisë, të drejtave të njeriut dhe shtetit të së drejtës, janë partimet kryesore që duhet të zbatoi një shtet i cili aspiron të anëtarësohet në bashkimin europian. Nuk do të ketë anëtarësim pa respektimin e rreptë të këtyre kushteve”
Një mesazh i qartë ky edhe për Shqipërinë!
Margaritis Schinas, ka reaguar edhe mbi çështjen Beleri, kryebashkiakun e Himarës, të zgjedhur me votat e qytetarëve himarjotë. Sipas tij rasti i arrestimit të Fredi Belerit, por edhe ndalimi i tij për tu betuar si kryebashkiak i Himarës, janë çështje delikate të cilat rrezikojnë të minojnë progresin drejt anëtarësimit në BE të Shqipërisë.
“Me keqardhje e shohim këto muaj rastin e arrestimit dhe ndalimit për të ushtruar detyrën, të kryebashkiakut të Himarës, të zgjedhur në mënyrë demokratike. Këto lloj çështjesh rrezikojnë të minojnë progresin drejt anëtarësimit në BE, për shtetet të cilat nuk i zbatojnë” tha ai.
