Anxhela është një shqiptare, refugjate e cila sot është në vijën e parë të luftës me Covid-19. Mediat britanike kanë sjellë historinë e shqiptares, si një histori suksesi, duke treguar kështu se si Anxhela nga një 4-vjeçare që mbërriti në tokën angleze, sot është një mjeke dhe kujdeset për pacientët e saj. Në video ajo dëgjohet të tregojë rreth këtij udhëtimi, ndërkohë që edhe pacientët japin përshtypjet e tyre.
“Anxhelën e thërrisja ‘baby doctor’. Ditën që dola nga spitali më tha që të gjithë infermierët, mjekët dhe personeli mjekësor do të duatrokasin për mua sepse jam një yll,”– thotë njëra.
“Ndihem ende i dobët por e prisja këtë,”- thotë një tjetër pacient.
“Kjo nuk do të funksiononte nëse s’do të ishte për të tillë njerëz. Kur më pyesin dhe u them që jam refugjate, e them me shumë krenari. Më parë kisha turp. Isha vetëm 4 vjeç kur edhe në Mbretëirinë e Bashkuar. Fakti që jam refugjatë më ka bërë ta shoh botën ndryshe dhe t’i trajtosh ndryshe pacientët,”– dëgjohet teksa tregon vetë Anxhela.
