‘Nuk e ka vendin e sigurt’, Conte pralajmëron Vidalin

Trajneri i Inter-it, Antonio Conte, ka komentuar fitoren 6-2 të marrë kundër Corotone-s dhe nuk i ka kursyer kritikat kundër Vidal.
“Mund të përmirësohet shumë. Sigurisht duhet të punojë sepse këtu askush nuk e ka vendin të sigurt. Duhe të të tregojë se e meriton vendin, duhet të bëjë më mirë nga sa po bën”, ka thënë Conte për Sky Sport.
“Po flas për atë që kemi parë deri më sot, shumë ulje dhe ngritje dhe ne si Inter nuk mund t’i lejojmë këto ulje dhe ngritje nga ana e tij. Ai e di, duhet të kthehet të stërvitet si duhet”.
“I japim kohë për t’u përshtatur dhe ndërkohë jemi të lumtur që është kthyer Sensi”.