Mario Mitaj është padiskutim futbollisti shqiptar me paraqitjet më të mira në sezonin që kaloi. Mbrojtësi i Kombëtares ka shkëlqyer në Arabinë Saudite, ku i mjaftuar vetëm 6 muaj për të fituar trofe me Al – Ittihad.
Falë formës së tij të mirë dhe paraqitjeve fantastike, për 21-vjeçarin ka mbarritur edhe një ofertë zyrtare. Skuadra arabe ka marrë një propozim për Mitajn, ku një ekip që luan në kampionatet europiane kërkon shërbimet e tij.
Ende nuk bëhet e ditur emri i skuadrës, por tashmë oferta ndodhet në tavolinën e arabëve. Siç dihet Al Ittihad shpenzoi 5 milionë euro për ta bërë pjesë të skuadës, teksa e mori nga Lokomotiva e Moskë. Vlen të theksohet se me arabët ka kontratë të vlefshme deri në qershor të vitit 2028 dhe nga “Transfermarkt” vlerësohet me 5 .5 milionë euro.
