Pamje të frikshme/ Shihni si duket furgoni pas aksidentit ku humbën jetën 5 persona (VIDEO)

Pamjet më poshtë tregojnë si duket furgoni i drejtuar nga i ndjeri Bardhi Proda pas aksidentit tragjik. Mjeti është shkatërruar thuajse plotësisht. Forcat e shërbimit zjarrfikës përdorën gurin fresibër për të prerë pjesë të tij që të nxirrnin trupat e viktimave.  Pas përplasjes me një makinë tip “Land Rover”, që drejtohej nga 22-vjeçarja Rexhina Çelhaga, furgoni me pasagjerët ka përfunduar jashte rruge. Bashkë me shoferin Proda humbën jetën edhe shtetasit Fiqiri dhe Dritë Korçari, si dhe turistët ukrainas, Olesander dhe Tetiana Fediaieva.  Nga furgoni u nxor e gjallë shtetasja Greta Kaberdini, 25 vjeçe nga Fieri, e cila ndodhet në Spitalin e Gjirokastrës, jashtë rrezikut për jetën. Shkak i aksidentit tragjik ka qenë parakalimi i gabuar i mjetit “Land Rover”, i cili është futur me shpejtësi në kthesë. Nga mjeti “Land Rover” janë lënduar lehtë drejtuesja e mjetit, 22-vjeçarja Rexhina Çelhaka, banuese në Tiranë, si dhe dy shtetase italiane, të identifikuara si Ana Cascalvilla, e datëlindjes 1998 dhe Xhulia Parini e datëlindjes 1999. 22-vjeçarja nga Tirana e kishte marrë automjetin me qira.