Gazetari Panajot Barka tregoi në emisionin Now në Euronews Albania se deri në vitin 1946 Himara njihej si pjesë përbërëse e minoritetit grek, gjë që ndryshoi drastikisht me vendosjen e komunizmit. Barka u shpreh se Enver Hoxha ka bërë raprezalje në Himarë dhe disa fshatra që reflektonin një helenizëm të fuqishëm.
Sipas tij, Enver Hoxha e kishte frikë dhe e luftoi deri në ektremizëm helenizmin, veçanërisht në Himarë, që siç tha i rezistoi më gjatë Enver Hoxhës dhe vuajti pasojat.
“Nga studimet më rezulton se në Himarë flitet greqishtja e shekullit të 8 para Krishtit. Sot ekziston e drejta e vetëdeklarimit, prania e Mitsotakis s’ka pse të keqinterpretohet. Minoriteti grek ka treguar një luajalitet shumë të madh ndaj shtetit shqiptar, edhe pse kjo gjë nuk njihet. Nuk mendoj se kjo duhet parë me frikë”, tha Barka.
