Dy persona kanë mbetur të plagosur me armë zjarri pak çaste më parë në qytetin e Vlorës. Ngjarja ka ndodhur në zonën e plazhit të vjetër.
Policia dhe grupi hetimor ndodhen në vendngjarje dhe po punojnë intensivisht për zbardhjen e rrethanave dhe kapjen e personave të përfshirë. Ende nuk dihen motive e ngjarjes, e cila la pas dy persona të plagosur.
Personat e plagosur kanë mbetur pronari i një lokali së bashku me djalin e tij, ndërsa policia ka bërë të mundur identifikimin e autorëve.
Pronari i lokalit ndodhet në gjendje të rëndë pasi plumbat e shkrepur nga një armë e dyshuar e llojit pistoletë e kanë prekur në pjesët e trupit, kurse djali i tij ka marrë plagë në këmbë, por fatmirësisht ndodhet jashtë rrezikut.
