Turizmi është një ndër sektorët me të rëndësishëm i cili sjell të ardhura dhe zhvillim ekonomik për Gjirokastrën. Që në fillimet e muajit mars ka pasur nje shtim te fluksit te vizitoreve te huaj dhe vendas. Me dhjetëra turistë nga Gjermania, Italia, Greqi, Kina dhe vendet Skandinave nuk përjashtojnë nga guida turistike qytetin e gurtë. Ata mrekullohen me arkitekturën e ndërtimeve të banesave ndërsa një tjetër vend mbresëlënës dhe ndër më të vizituarit është kalaja Argjiro.
Sipas Gentjan Ibrahimit, përgjegjëses i zyrës së turizmit në bashkinë Gjirokastër problem mbetet rritja e cilësisë së shërbimit. Restaurimi i pazarit ka ndikuar pozitivisht jo vetëm në rritjen e numrit te vizotoreve por edhe tek dyqanet e artizanatit që operojnë në Qafën e Pazarit.
Politikat nxitëse për zhvillimin e turizmit zerimi i taksave per tregtaret artizane restaurimi i fasadave te pazarit dhe mikpritja qytetare gjirokastrite prmetojnë per nje sezon te mbare turistik.
Vitin e kaluar, Gjirokastra u vizitua nga rreth 80 mije turiste. Këtë vit, pritshmëritë e Bashkisë se Gjirokastrës janë 20 deri ne 30 për qind më shumë se një vit më parë pasi edhe kapacitetet akomoduese në qytet janë shtuar ndjeshëm.
Por teksa numri i turistëve rritet, numri i banorëve që largohen nga Gjirokastra drejt Tiranës apo jashtë shtetit në kërkim të një jete më të mirë, vijon të rritet. Kjo e konfirmuar nga shifrat zyrtare të INSTAT. Shkaku kryesor i largimeve masive mbetet papunësia dhe mungesa e perspektivës.
