Policia spanjolle ka zbuluar një plantacion kanabisi në Mossos d’Esquadra në Spanjë, i cili kontrollohej nga një bandë shqiptarësh.
Sipas raportimeve të medieve spanjolle, efektivët e policisë gjetën 10,112 rrënjë bime canabis që ishin mbjellur në një sipërfaqe prej rreth një kilometër katror në një zonë të pyllëzuar.
Në zonë, policia gjeti gjithashtu një sistem vaditës, shtretër të përgatitur për mbjellje të reja të bimëve narkotike, disa shishe benzinë dhe një gjenerator elektrik për të pompuar ujin në parcelat ku kultivohej marijuana.
Autoritetet spanjolle bënë me dije se të arrestuarit janë 3 shtetas shqiptarë. Dy nga 25-vjeç dhe tjetri 28-vjeç. Ata ndodheshin në një kamp me disa çadra vetëm pak metra larg plantacionit dhe për momentin nuk iu bëhet i ditur identiteti.
Tre të arrestuarit ndodhen në paraburgim në Barcelonë dhe po presin dënimet e tyre nga Gjykata.
