Sheshi i Çerçizit në qytetin e Gjirokastrës po i nënshtrohet një transformimi rrënjësor ndërsa punimet kanë nisur më shumë se një vit më parë. Kryeministri Edi Rama ka shpërndarë në rrjetet sociale fotot nga punimet në shesh, i cili do të ketë një hapësirë parkingu nëntokësor me 300 vende, duke lehtësuar ndjeshëm trafikun në rrugët e ngushta dhe me kalldrëm të zonës.
“Mirmëngjes me këto pamje nga kantieri i veprës madhore për transformimin e sheshit të Çerçizit, në një hapësirë këmbësore me një parkim publik nëntokësor prej 300 vendesh, që e kthen zemrën e qytetit muze në një zonë pa makina, e cila së bashku me bajpasin do të mundësojnë zero ndotje në rrugët ekskluzivisht pedonale të qendrës së Gjirokastrës, ju uroj një ditë të mbarë”, shkruan Rama.
