Duke filluar nga dita e sotme në Hungari familja mund të jetë e ligjshme vetëm nëse është hetero. Vetëm çiftet heteroseksuale mund të rrisin apo të adoptojnë fëmijë. Fëmijët duhet të marrin një edukim konservativ të bazuar në identitetin kushtetues kombëtar dhe tek vlerat e krishtera. Qeveria e mazhorancës e kryeministrit Viktor Orban e ka shkruar këtë në kushtetutë. Parlamenti miratoi amendamentin me 123 vota pro, 45 kundër dhe 5 abstenime. Ministrja hungareze e drejtësisë u shpreh se objektivi është mbrojtja e fëmijëve dhe jo diskriminimi i grupeve. Por Amnesty international dhe organizatat jo qeveritare për të drejtat civile e konsiderojnë këtë si një ditë të zezë për barazinë gjinore dhe shtetin e së drejtës.
Gratë hungareze nuk duhet të shqetësohen se nuk paguhen sa burrat, por prioritet duhet të kenë të lindin fëmijë, të jenë nëna të mira dhe qendra e motorri i një familjeje tradicionale. Amendamenti thotë qartë se : Nëna është femër, dhe babai është mashkull. Hungaria garanton të drejtën e fëmijës që të identifikohet me gjininë me të cilën ka lindur. Polonia, që është aleati kryesor i Hungarisë brenda Bashkimit Europian, po përgatit një ligj që ndalon çdo grumbullim, marshim apo eveniment publik të komunitetit LGBT
