Partizani po vazhdon me përgatitjet në kuadër të Europës. Të kuqtë ndodhen në Ohër prej fillimit të javës së kaluar.
“Panorama Sport” ka ndërtuar dy formacione me lojtarë që mbulojnë role të ndryshme për të kuqtë. Sigurisht, duke mos pasur parasysh dëmtimet aktuale. Këto formacione vijnë ndërkohë para afrimeve të tjera që priten. Po ashtu, fokusi në formacionin e parë u është dhënë lojtarëve të afruar në merkaton e verës.
SAKRIFICAT- Disa lojtarë kanë sakrifikuar në pozicione të ndryshme, për të ndihmuar Partizanin. Karlos Martinez plotësoi boshllëkun e madh te Partizani në linjën e djathtë. Mbrojtësi i afruar nga Kosta Rika shfaqet aktualisht në atë rol. Dhe pse Andi Janjeva është përshtatur po ashtu mjaft mirë gjatë sezonit në krahun e djathtë, duhet thënë se ky nuk është roli i tij natyral. E njëjta situatë është edhe për Altin Bytyçin. Ky i fundit luan po ashtu në qendrën e mbrojtjes, edhe pse në disa nga ndeshjet e sezonit të fundit ka provuar krahun e majtë.
Skema (4-3-3) Qirko; Atanaskoski, Preka, Sembene, Martinez; Mehmeti, Ismaili, Kote; Garsia, Skuka, Isgandarli
Skema (4-2-3-1) Hoxha (Tahri); Buxhelaj, Bytyçi, Çipi, Janjeva; Shanaj(Vata), Shala(Qokthi); Zeka(Rifa), Malaj, Gudjufi; Keko(Himallari)
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
