Christian Mba nuk do të jetë më lojtar i Partizanit. Sulmuesi largohet nga “Demat” dhe do të vazhdojë karrierën në Ukrainë.
Mba është transferuar te skuadra e FC Metalist 1925 Kharkiv. Ekip ky që militon në ligën e 2 –të ukrainase. Nga ky transferim skuadra e Partizanit do të përfitojë 500 mijë euro.
“Partizani njofton arritjen e marrëveshjes me klubin FC Metalist 1925Kharkiv për transferimin e sulmuesit Christian Mba në kampionatin ukrainas të futbollit.
Klubi i shpreh mirënjohjen lojtarit për kontributin e dhënë dhe përkushtimin e tij me fanelën e kuqe, me të cilën fitoj edhe titullin kampion të Shqipërisë.
Shumë suksese në aventurën tënde të re Christian Mba. Kënaqësi që ishe pjesë e familjes tonë të madhe FK Partizani.
#Faleminderit #ChristianMba”, ka shkruar klubi.
