Argjentina ia del që të sigurojë një vend në çerekfinalet e Botërorit. Skuadra e Scalonit mposhti Egjiptin me rezultatin 3-2, në një sfidë ku u nevojit përmbysja për të shmangur një eliminim të bujshëm. Gazetari, Ervin Sina tha në Botërori Amerikan se pas dy golave të Egjiptit, nuk priste përmbysje.
“Kur shkoi 0-2 nuk kisha pritshmëri. Më pas u tensionua si skuadër. Jam tifoz i Messit dhe jo i Argjentinës. Nuk e kemi më atë çmendurinë e dikurshme, Messi të bën për vete.
Nuk besova te përmbysja kur Egjipti bëri dy gola. Kjo kombëtare, nëse gjeneron qoftë edhe një element të vogël për përmbysje, ia del. Nuk mund të presim që Messi të mbulojë, ashtu siç e bënte dikur në të gjithë perimetrin e sulmit”.
