Teksa fluksit turistik në Sarandë po i vjen fudmit, bilancet e restoranteve jenë më të kënaqshme krahasuar me një vit më parë.
Armando Magllara operator turistik tregon se italianët luajtën rol të rëndësishëm në punën e restoranteve gjatë kësaj vere.
“Ka qene një sezon relativisht i mire, ka pasur shume fluks dhe kuptohet qe është konvertuar ne para, sepse është shpenzuar. Ka patur problemet e veta si sezon, sepse Saranda si qytet i vogël i investuar për turizmin ka problemet e veta… Baza e turisteve te muajit gusht kane qene kryesisht italianet, Ukraina ka patur një pjesë, polake dhe EuropaJuglindore…
Italianet konsumojnë në restorante, konsumojnë peshkun, frutat e detit, sepse e njohin guzhinën… ndërsa pjesa tjetër konsumojnë me pak, ndoshta për shkak te kostove dhe kulturës së tyre..”, ka thënë ai.
Promovimi i Shqipërisë dhe Sarandës si një destinacion i lirë, nuk konsiderohet nga operatorët si një reklamë e mirë, pasi Saranda ka larmishmëri çmimesh, ndërsa pushuesit vijnë me pritshmëritë për restorante e hotele të lira.
“Një gabim qe pati kostot e veta është që u reklamua sikur këtu turizmi është i lire, me 400 deri ne 500 euro mund te kalosh 5 dite, është e pamundur , sepse vet struktura vet kostot mënyra si është ndërtuar edhe pse jemi me te lire se Korfuzi, Bari… Eshtë e mira te sqarohet se ne kemi turizëm të lirë, kemi turizëm me standard mesatar dhe turizëm te nivelit te larte, sepse kemi hotele qe janë me te shtrenjte se Korfuzi dhe se Bari i Italisë, aq me tepër qe prodhimet e detit këtu janë çmimet aty aty me pjesën tjetër të Europës…” është shprehur ndër të tjera ai.
Referuar fluksit të lartë të turistëve gjatë këtij sezoni turistik, për Magllarën janë disa problematika që duhen zgjidhur para se te vije sezoni i ardhshëm.
“Duke qene se Saranda ka një fluks maksimal për kapacitetet qe ka, mendimi ka qene pozitiv, duhet qe qeveria shqiptare te ti shikoj mënyrën e trajtimit të këtij qyteti duke filluar nga infrastruktura dhe pse jo ky qytet mund te jete dera ku te gjithë pushuesit qe vijnë të vazhdojnë në pjesën tjetër të Shqipërisë.. Po të shohësh në media prestigjoze flitet vetëm për Sarandën dhe Ksamilin dhe kështu janë shume gjera për tu permiresuar per sezonin e ardhshëm“.
Saranda shënoj rekorde këtë verë me prezencë turistike, por numri i pushuesve pritet të jetë i lartë edhe gjatë vjeshtës. /Abc
