Ardian Kola do jetë kryetari i Partisë Socialiste në Sarandë. Në garë ishte edhe Armand Hysi, pedagog në Universitetin ‘Eqrem Çabej’, Gjirokastër. Në mbledhjen e fundit të Asamblesë së PS në Sarandë, kandidati Armand Hysi u tërhoq nga gara para votimit. Asambleja votoi në mënyrë unanime kandidatin Ardian Kola, i cili do të udhëheqë PS në Sarandë për një mandat 4- vjeçar. Kola ka punuar deri më tani në Bashkinë Sarandë, ndërsa më herët ka qenë futbollist me ekipin e Butrinit. Në mbledhje ishte i pranishëm edhe deputeti Alket Hyseni. Deputeti Hyseni gjatë fjalës së tij paralajmëroi përjashtime të atyre që punojnë kundër interesave të qytetarëve dhe që ai i konsideroi barrë për Partinë Socialiste.
©ArgjiroLajm.net
