Instituti i Monumenteve të Kulturës po punon për restaurimin e Urës së Katiut në fshatin Bënjë, në bashkëpunim me 28 pjesëmarrësit e Kampit Rajonal të Restaurimit. Aktualisht në Gjirokastër dhe Përmet po mbahet Kampi Rajonal i Restaurimit nr. 44. Këshilli Kombëtar i Restaurimeve, organizuar nga CHwb Albania, në bashkëpunim me Ministrinë e Kulturës, Institutin e Monumenteve të Kulturës dhe Drejtorinë Rajonale të Trashëgimisë Kulturore Gjirokastër.
Për herë të parë KRR shtrihet këtë vit edhe në Përmet, ku 28 pjesëmarrës nga 6 vende të Ballkanit do të nisin sot punën për restaurimin e Urës së Katiut në Bënjë. Objekti është një monument i çmuar i zonës, projekti i së cilit është hartuar nga Instituti i Monumenteve të Kulturës, për t’u vënë në zbatim më tej nga KRR.
Ura është ndërtuar në mesin e viteve 1700, ruan edhe sot funksionin e saj. Ajo është e lartë afro 7 m . Gjatësia e kalldrëmit diku te 30 m linear, ndërsa gjerësia afro 90 cm. Ura ka harkun e madh dhe një dritare jo të vogël. Punuar e gjitha me gur nga mjeshtër vendas ajo tërheq vëmendjen edhe nga ana estetike. Kjo vepër ka statusin e monumentit të kulturës.
