IKMT ka ndërmarrë sot paradite një aksion për prishjen e objekteve në bregdetin e Vlorës, por janë hasur me kundërshtimet e banorëve dhe pronarëve të cilët thonë “Kaloni më parë mbi trupat tanë dhe të fëmijëve tanë”.
Janë 60 ndertesa të tilla që janë në plan për t’u prishur dhe për t’i lënë hapësirë plazheve publike. Aksioni është mbështetur nga forca të shumta të policisë dhe FNSH-së. Aksioni nisi i qetë, por më pas pati përplasje dhe replika mes banorëve dhe forcave të policisë.
“Nuk e keni mirë kështu siç e keni nisur”– dëgjohen të bërtiura nga ana e banorëve, që kundërshtojnë aksionin për shembjen e ndërtimeve buzë detit.
